“ЯЛАГЧДЫН ЦУВАА-2021” Олон улсын Моно жүжгийн уралдаант фестивал 6 дахь жилдээ амжилттай зохион байгуулагдаж өндөрлөлөө. Тус фестивалийн ялагчаар Монгол улсаа төлөөлөн оролцсон Төв аймгийн Монгол туургатан театрын жүжигчин Р.Янжиндулам тодорсон байна.

Тодруулбал“Ялагчдын цуваа-2021” фестивал нь 2 үе шаттайгаар зохион байгуулагдаж 1-р шатанд Монгол улсын 8 жүжигчид өрсөлдсөн байна. Тэгвэл Монгол улсаа төлөөлөн Олон улсын фестивальд оролцох эрхийг Төв аймгийн Монгол туурган театрын жүжигчин МУСТА Р.Янжиндулам, Black box театрын жүжигчин Г.Мөнхжаргал нар авсан юм.

Тус фестивалийн 2-р шат 2021 оны 06 сарын 21- 24 ний өдрүүдэд зохион байгуулагдаж 8-н улсын 9 бүтээл өрсөлдснөөс гранпри шагналын эзнээр Төв аймгийн Монгол туургатан театрын жүжигчин, МУСТА Р. Янжиндулам “ Би хэн бэ” жүжгээрээ шалгарчээ. Шилдэг бүтээлийн зохиолч, найруулагчаар жүжигчин Т.Батдэлгэр ажиллаж хөгжмийг Төв аймгийн Монгол туургатан театрын хөгжимчин Б.Ганчимэг амьлуулсан байна.

2021-06-28 17:23:37