Орон нутгийн хөгжлийн сан "Тогтвортой амьжиргаа III" төслийг Дэлхийн банкнаас санхүүжүүлдэг. Санхүүжүүлэгч Дэлхийн банкны Зүүн Ази номхон далайн бүс нутгийн тогтвортой хөгжлийн асуудал эрхэлсэн захирал, төлөөлөгч Бенуа Боскет тэргүүтэй 12 хүнийг аймгийн Засаг даргын орлогч Ц.Буманбуян, Баянчандмань сумын ИТХ-ын дарга Л.Уранчимэг, Засаг дарга Г.Ариунболд нар хүлээн авч, Баянчандмань суманд хэрэгжиж байгаа төслийн явцтай газар дээр нь танилцаж, ажил хэрэгч уулзалт зохион байгууллаа. Энэ үеэр Баянчандмань сумын Эрдэнэ багийн малчин А.Мөнхчөдөрийнд зочлон, Монгол малчдын ахуй амьдрал хийгээд Монгол ёс, зан заншилтай танилцуулсан юм.