Төв аймгийн ерөнхий боловсролын сургуулийн ахлах ангийн сурагчдад цэрэг-эх оронч хүмүүжил олгох, эх орон, эх хэл, түүх соёл, уламжлал, эх орноороо бахархах үзлийг төлөвшүүлэх, тэдэнд бие бялдар сэтгэл зүйн бэлтгэл, тэсвэр хатуужил олгож, эх орноо батлан хамгаалах бэлтгэл эзэмшүүлэх, монгол цэргийн залгамж халааг бэлтгэх зорилгоор аймгийн аварга шалгаруулах БНМАУ-ын баатар Д.Самдангийн нэрэмжит цэрэг спортын "ДӨЛ-2022" цогцолбор тэмцээнийг Сүхбаатарын болон Байлдааны гавьяаны улаан тугийн одонт, маршал Х.Чойбалсангийн нэрэмжит Зэвсэгт хүчний 016 дугаар нэгтгэлийн байрлалд амжилттай зохион байгууллаа. Тус тэмцээнд 9 сумын 11 тасгийн 143 сурагчид хурд, хүч, авхаалж самбаа, мэдлэг чадвараа сорин өрсөлдлөө.

БНМАУ-ын баатар Д.Самдангийн нэрэмжит Цэрэг-спортын “Дөл-2022” тэмцээнд тэргүүн байрт шалгарсан Зуунмод сумын Хүмүүн цогцолбор сургуулийн “Залгамж” тасагт Аваргын цом, алтан медаль, өргөмжлөл, мөнгөн шагнал, дэд байрт шалгарсан Эрдэнэсант сумын ерөнхий боловсролын сургуулийн “Оч” тасагт мөнгөн медаль,өргөмжлөл, мөнгөн шагнал, гутгаар байрт шалгарсан Хүмүүн цогцолбор сургуулийн “Элит” тасагт хүрэл медаль, өргөмжлөл мөнгөн шагнал, тусгай байр шалгарсан Алтанбулаг сумын сургуулийн тасагт өргөмжлөл, мөнгөн шагнал тус тус гардууллаа. Мөн шилдэг дасгалжуулагч багшаар Хүмүүн цогцолбор сургуулийн биеийн тамирын багш О.Отгонбаяр шалгарсан юм.