“Аймгийн бодлого, шийдвэрийг хэрэгжүүлэхэд багийн Засаг дарга нарын оролцоо сэдэвт” 27 сумын ЗДТГ-ын дарга, багийн Засаг дарга нарын нэгдсэн сургалт, семинарын үеэр 2020-2024 оны бүрэн эрхийн хугацаанд томилогдон ажиллаж байгаа багийн Засаг дарга нараас иргэдийнхээ итгэлийг хүлээн хамгийн олон удаа буюу 5-6 удаа багийн Засаг даргаар сонгогдон ажиллаж байгаа багийн Засаг дарга нарт шагнал гардуулав.

Төр, засгийн бодлого шийдвэр, хууль тогтоомжийн хэрэгжилтийг амжилттай зохион байгуулж, төрийн үйлчилгээг иргэн бүрт хүргэх хариуцлагатай албандаа авьяас чадвар, мэдлэг оюунаа дайчлан төрийн төлөөлөгчийн үүргээ нэр хүндтэй гүйцэтгэж байгаа Цээл сумын Хүүлэйхан 5 дугаар багийн Засаг дарга О.Алтанцэцэг, Эрдэнэ сумын Өгөөмөр 1 дүгээр багийн Засаг дарга Н.Мөнхбат нарт аймгийн ИТХ-ын дарга Ц.Жамбалсүрэн, Засаг дарга Д.Мөнхбаатар нарын гарын үсэг бүхий “ХҮНДЭТГЭЛ”, дурсгалын зүйлийг хадгалуулав.