Эзэн богд Чингис хаан мэндэлсний 860 жилийн ой, Дэлхийн байгалийн болон соёлын өвийг хамгаалах тухай 1972 оны конвенц батлагдсаны 50 жилийн ойн хүрээнд Монгол Улсын Соёлын яам, Цагдаагийн ерөнхий газар , Чингис хааны өв, соёлын хүрээлэн болон Бурхан Халдун уул, түүнийг хүрээлсэн тахилгат газар нутгийн хамгаалалтын захиргаа хамтран Дэлхийн өв - Бурхан Халдун, Чингис хааны өв, соёл" сэдэвт уулзалт, зөвлөгөөнийг 2022 оны 03 дугаар сарын 21-ний өдөр Төв аймгийн Мөнгөнморьт суманд амжилттай зохион байгууллаа.

Тус арга хэмжээний хүрээнд Чингис хааны өв, соёлын хүрээлэнгээс эрхлэн гаргасан ном бүтээлийн үзэсгэлэн, Бурхан Халдун уулын VR танилцуулга, "Чингис хааны мөрөөр" баримтат кино, "Дэлхийн өв, Үндэсний бахархалт Бурхан Халдун хайрхан" цуврал баримтат нэвтрүүлэг, гэрэл зургийн үзэсгэлэн зэргийг дэлгэн танилцууллаа.

Эх сурвалж: Соёлын яам