Аймгийн ургацын штабын өргөтгөсөн хуралдаан Угтаалцайдам суманд болов. Хуралдаанд УИХ-ын гишүүн Ж.Батжаргал, аймгийн Засаг дарга Д.Мөнхбаатар нар оролцож цаг үеийн байдалтай танилцан, тулгамдаж байгаа асуудлуудаа хэлэлцэж, штабын гишүүд, холбогдох сумдын удирдлагуудад үүрэг чиглэл өглөө. Өнөөдрийн байдлаар аймгийн хэмжээнд ургац хураалт 20 хувьтай явагдаж байгаа ба 30.3 мянган га талбайгаас 131.5 мянган тонн ургац хураагаад байна.