"Төв түмний цэнгэл" баяр наадмын хүчит бөхийн барилдаанд улс, аймгийн алдар цолтой хүчит 64 бөх барилдсанаас Төв аймгийн Өндөрширээт сумын харьяат Улсын заан Д.Хүдэрбулга түрүүлж, Алтанбулаг сумын харьяат Аймгийн арслан П.Эрхэмжаргал үзүүрлэлээ. Баяр наадмын их шөвөгт Сүмбэр сумын харьяат Улсын начин Г.Ганжад, Баян сумын харьяат Аймгийн начин Б.Баттулга нар шалгарлаа.