”Төрийн албаны өдөр”-ийг тохиолдуулан Төрийн албаны хууль тогтоомжид заасан нийтлэг болон тусгай шаардлагыг хангаж, сонгон шалгаруулалтын үр дүнгээр тухайн албан тушаалд нэр дэвшин, томилогдсон төрийн захиргааны 38 албан хаагч Монгол Улсын Ерөнхийлөгчийн 2024 оны 84 дүгээр зарлигаар баталсан журмын дагуу “Төрийн захиргааны албан хаагчийн тангараг” өргөлөө. Эдгээр албан хаагчид нь Монгол Улсын Төрийн албаны тухай хуульд заасан болзол шаардлагыг хангаж, туршилтын хугацаанд албан үүргээ мэргэжил, ур чадварын түвшинд хангалттай сайн гүйцэтгэж, ёсзүйн зөрчил дутагдалгүй ажилласан учир Төрийн албаны зөвлөлийн Төв аймаг дахь салбар зөвлөлийн тогтоолоор “тангараг өргүүлэх”-ээр шийдвэрлэсэн юм.