Монгол Улсын Төрийн албаны зөвлөлийн дарга Л.Цэдэвсүрэн, Төрийн албаны зөвлөлийн гишүүн, Ёс зүйн хорооны гишүүн Д.Баатарсайхан, Төрийн албаны зөвлөлийн Ажлын албаны дарга В.Жавзан, МХШГ-ын ахлах шинжээч А.Ханджамц, ахлах шинжээч В.Долгор нар өнөөдөр манай аймагт ажиллаж, Төрийн албаны зөвлөлийн тайланг танилцуулах, тогтоолын хэрэгжилт болон шаардлагатай бусад чиглэлээр хяналт, шалгалт хийх, зөвлөн туслах, арга зүйн дэмжлэг үзүүлэх сургалтын арга хэмжээг зохион байгуулж байна. Арга хэмжээний эхэнд Монгол Улсын Төрийн албаны зөвлөлийн Төв аймаг дахь салбар зөвлөлийн дарга М.Отгонбат салбар зөвлөлөөс хийж хэрэгжүүлсэн ажил, арга хэмжээний мэдээллийг хүргэлээ.