Аймгийн Засаг дарга Д.Мөнхбаатар ОХУ-ын Элчин Сайдын яамны дэргэдэх Цэрэг, Агаарын цэргийн атташе, Хошууч генерал Петрунин Павел Владимировичийг хүлээн авч уулзлаа. Уулзалтаар 1939, 1945 оны дайнд оролцож баатарлаг гавьяа байгуулсан баатруудын хөшөөнд цэцэг өргөж хүндэтгэл үзүүлэх, ахмад дайчдын гавьяа, зүтгэлийг алдаршуулан мөнхжүүлэх, Оросын Холбооны Улстай тогтоосон найрсаг харилцаа, хамтын ажиллагааг бэхжүүлэх зорилгоор "Халх голын байлдааны ялалтын 85 жилийн ой"-г аймаг, орон нутагт тэмдэглэн өнгөрүүлэх талаар ярилцаж, санал солилцлоо.