“Монгол цэргийн өдөр” Зэвсэгт хүчин үүсэн байгуулагдсаны 103 жилийн ойг тохиолдуулан Төв аймгийн ЗДТГ, ЗДТГ-ын Цэргийн штабаас Төв аймагт үйл ажиллагаа явуулдаг нэгтгэл, ангиудын хугацаат цэргийн алба хаагчдын бие бялдрыг хөгжүүлэх, чөлөөт цагийг зөв боловсон өнгөрүүлэх зорилгоор танин мэдэхүй, спортын нөхөрсөг тэмцээнийг 2024 оны 03 дугаар сарын 11-ний өдөр волейбол, буухиа тэмцээн, асуулт хариултын АХА гэсэн төрлүүдээр зохион байгуулав.

Тус тэмцээний Волейболын төрөлд тэргүүн байрыг Зэвсэгт хүчний 311 дүгээр анги, дэд байрыг Зэвсэгт хүчний 119 дүгээр ангийн тамирчид эзэлсэн бол буухиа тэмцээнд Зэвсэгт хүчний 016 дугаар нэгтгэлийн баг тэргүүн байр, Зэвсэгт хүчний 311 дүгээр ангийн баг дэд байрт шалгарлаа. Ингэснээр багийн нийлбэр дүнгээр тэргүүн байрт хурандаа Ш.Гантулга захирагчтай Зэвсэгт хүчний 311 дүгээр ангийн баг тамирчид шалгарч, Зэвсэгт хүчний 016 нэгтгэл, Зэвсэгт хүчний 119 дүгээр ангийн баг тамирчид удаалсан юм.

2024-03-12 09:00:00