Аймгийн Засаг даргын захирамжаар орон нутагт тэмдэглэлт баярыг зохион явуулах тусгай төлөвлөгөөний дагуу Монгол цэргийн өдөр, Зэвсэгт хүчин үүсэн байгуулагдсаны 103 жилийн ой, Олон Улсын эмэгтэйчүүдийн эрхийг хамгаалах өдрийг тохиолдуулан Төв аймаг дахь төрийн цэргийн болон хууль сахиулах байгууллагуудын эмэгтэй алба хаагчдын ажил мэргэжлийг сурталчлах, ардын уламжлал, өв соёлыг түгээн дэлгэрүүлэх зорилгоор МӨРДЭС ГОЁСОН БҮСГҮЙ 2024 соёл урлагийн тэмцээн явагдлаа. Уг тэмцээнд Төв аймагт үйл ажиллагаа явуулдаг 8 байгууллагын 70 гаруй эмэгтэй алба хаагчид удирдамжийн дагуу 6 төрлөөр авьяас чадвараа дайчлан өрсөлдлөө. Тэмцээний тэргүүн байранд Аймгийн цагдаагийн газрын ахлах дэслэгч Т.Чимэддулам ахлагчтай “Шонхор” баг дэд байрт Зэвсэгт хүчний 119 дүгээр ангийн ахлах дэслэгч Э.Саранцацрал ахлагчтай “Гялбаа” баг, гутгаар байрт, Зэвсэгт хүчний 016 дугаар нэгтгэлийн дэд ахлагч O.Солонго ахлагчтай “Цэнхэр дуулгатан” баг тус тус шалгарлаа.Тус тэмцээнд Баянчандмань суманд үйл ажиллагаа явуулдаг Хилийн цэргийн 0267 дугаар анги оролцсон нь онцлог байлаа. Уг арга хэмжээнд оролцсон байгууллагуудад талархал илэрхийлье.