Улс эх орныхоо хүнсний хэрэгцээнд чанартай буудай, эрүүл сүү, цагаан идээ нийлүүлж, эрчимжсэн мал аж ахуйг газар тариалантай хослуулан хөгжлүүлж байгаа хамт олон бол “Хос бэрс агро” ХХК-ний хамт олон юм. Аргалант суманд 2500 га эргэлтийн талбайд газар тариалангийн үйл ажиллагаа эрхэлж, улаан буудай, овьёос, таримал тэжээл тариалж жил бүр арвин их ургац хураан авч улсдаа улаан буудайгаа тогтмол тушаадаг тус хамт олон 2013, 2015 онд аймгийн “Тэргүүний тариаланч хамт олон”, 2015 онд “Алтан гурвалжин” цомоор, 2022 онд таримал тэжээлийн ургацаар аймагтаа тэргүүлж, 2023 онд “Улсын аварга тариаланч хамт олон”-оор шалгарч байв. Түүнчлэн мал аж ахуйн салбар дахь үйл ажиллагаагаа өргөжүүлэн Аргалант сумын нутагт хүлэмж, амины орон сууц бүхий сүүний үнээний кластер фермийг байгуулан Франц улсаас Монтбелиард үүлдрийн гунжин үнээнүүд, Буган халиун, хар тарлан үүлдрийн үнээнүүд авч 2022-2023 онд шинээр кластер фермүүдийг байгуулан, өндөр ашиг шимт үхэр сүргээ өсгөн үржүүлж, сүүгээ “Сүү” ХК-д улирал хамаарахгүй нийлүүлсээр байна. Мөн мал аж ахуй, хонин сүргийнхээ тэсвэрт чадвар, төлөрхөг чанар, мах, ноосны гарцыг сайжруулахын тулд ашиг шим, бие бялдар, тэсвэр, төлөрхөг чанараар шалгарсан удам сайтай, түргэн өсөж томрох онцлогтой бүдүүн ноостой мах, өөхөн ашиг шим сайтай “Эдильбаев” үүлдрийн хуцыг казахстан улсаас оруулж ирж, хонин сүрэгтээ тавьж үр төлийг нь өсгөн үржүүлж байгаа ажилсаг, хөдөлмөрч, шинийн санаачлагч хамт олны шагналыг аймгийн ХХААГ-ын дарга Н.Гантулгаар ахлуулсан ажлын хэсэг, Аргалант сумын удирдлагууд гардуулан өглөө.

2024-02-08 09:00:00