Боловсрол, шинжлэх ухааны яамнаас Дэлхийн банкны хөнгөлөлттэй зээлийн санхүүжилтээр хэрэгжүүлж буй “Боловсролын чанарын шинэчлэл” төсөл 2015 оноос эхлэн бага боловсролын хүрээнд хэрэгжиж эхэлсэн билээ. Уг төслийн хүрээнд "Сургуулийн тэтгэлэгт хөтөлбөр-V" төсөл хэрэгжихээр болж манай аймгийн 24 сумын /Аргалант,Архуст, Батсүмбэр, Баян, Баян-Өнжүүл, Баяндэлгэр, Баянжаргалан, Баянхангай, Баянцагаан, Баянцогт, Баянчандмань, Борнуур, Бүрэн, Дэлгэрхаан, Жаргалант, Заамар сумын 1,2-р сургууль, Өндөрширээт, Угтаал, Цээл, Эрдэнэсант сумын Ерөнхий боловсролын сургууль, Зуунмод сумын 4,5 дугаар сургууль “Хүмүүн цогцолбор сургууль”/ Ерөнхий боловсролын сургуулийн 25 төсөл дэмжигдэж нийт 155 сая төгрөгний хөрөнгө оруулалт хийгдэхээр батлагдсан бөгөөд төсөл хэрэгжүүлэх сургуулиудтай "Сургуулийн тэтгэлэгт хөтөлбөр-V" төслийн гэрээнд гарын үсэг зурах ёслолын үйл ажиллагааг зохион байгууллаа.