Аймгийн Онцгой байдлын газрын дарга Г.Эрдэнэбат Бүрэн сумын Онцгой комиссыг удирдлага, аргазүйгээр ханган ажиллаж байна. Өнөөдөр Баянцогт багийн нутаг дэвсгэрт зам гаргахаар ЗИЛ-131 машин 3 хүний бүрэлдэхүүнтэй, Монгол-Эрдэнэхангай багийн нутаг дэвсгэрт МАЗ-1 машин 3 хүний бүрэлдэхүүнтэй, Хайрхан булаг чиглэлд 1 дуудлага мэдээллийн дагуу 3 хүний бүрэлдэхүүнтэй ажлын хэсэг, эрсдэлт бүсээс 1 жирэмсэн эмэгтэйг авчрахаар 4 хүний бүрэлдэхүүнтэй баг ажиллаж байна.