Төв аймгийн ИТХ-ын ээлжит бус 7 дугаар хуралдааныг Эрдэнэ суманд зохион байгуулж байна. Хуралдаан 58.7 хувийн ирцтэйгээр эхлэв.

Хуралдаанаар: 1.Түүх соёлын үл хөдлөх дурсгалыг сум, орон нутгийн хамгаалалтад авч дурсгалын жагсаалтыг баталж, хилийн зааг, хамгаалалтын дэглэм тогтоох тухай 2.Хүүхдийн эрх хамгааллын асуудлаар орон нутагт авч хэрэгжүүлж байгаа үйл ажиллагааны мэдээлэл 3.Тэмдэгтийн хураамжийн хэмжээг шинэчлэн тогтоох тухай 4.Аймгийн иргэдийн Төлөөлөгчдийн Хурлаас баталсан зарим тогтоолуудыг хууль тогтоомжид нийцүүлэн шинэчилэх тухай болон зарим тогтоолуудыг хүчингүй болгох тухай 5.Хөрөнгө шийдвэрлэх тухай 6. “Чанар-Бүтээмж -Төв хөгжил хөтөлбөр” батлах тухай 7. Аймгийн Сонгуулийн хороог татан буулгах тухай 8.Аймгийн иргэдийн Төлөөлөгчдийн Хурлаас сумдад ажилласан мэдээллийн тухай 9.Бусад асуудлыг хэлэлцэн шийдвэрлэнэ. Энэ удаагийн хуралдааныг Эрдэнэ сумын ИТХ, ЗДТГ-ын хүсэлтээр тухайн суманд зохион байгуулж байгаа бөгөөд 2020-2024 оны хугацаанд орон нутагт зохион байгуулж байгаа анхны хуралдаан болж байгаа юм.