Аймгийн БШУГ, Бага насны хүүхдийн хөгжлийг дэмжих төвтэй хамтран бага насны хүүхдийн хөгжил, төлөвшил, эрүүл мэнд, асаргаа, халамж, хүүхэд хамгаалал, зохистой хоол тэжээлийн талаар мэдлэг, мэдээллийг эцэг эх, асран хамгаалагчдад хүргэх, амьдралдаа хэрэгжүүлэх арга зүйд суралцах, орон нутгийн сургагч багш бэлтгэх, чадваржуулах зорилгоор цахим, танхим хосолсон сургалтыг зохион байгуулж байна. Тус сургалтад аймгийн ЭМГ, ГБХЗХГ, БШУГ-ын бага насны хүүхдийн боловсрол, эрүүл мэнд, хоол тэжээл, нийгмийн хамгааллын асуудал хариуцсан мэргэжилтэн, нийгмийн ажилтан, насан туршийн боловсролын багш, цэцэрлэгийн арга зүйч, дуу хөгжмийн хувилбарт сургалтын багш, өрхийн эмч, эцэг эхийн төлөөлөл хамрагдаж байна.