Цахим хөгжил, харилцаа холбооны яамнаас боловсруулсан “Цахим аймаг” бодлогын зөвлөмжийг орон нутагт хэрэгжүүлэхэд бодлогын дэмжлэг үзүүлэх, төрийн албан хаагчдын цахим ур чадварыг дээшлүүлэх сургалтыг өнөөдөр зохион байгууллаа. Тус сургалтыг ТЦҮЗГ-ын Сургалт хөгжлийн хэлтсийн Ахлах мэргэжилтэн Ж.Хүрэлчимэг "Тоон гарын үсэг ба түүний хэрэглээ", "Иргэд, төрийн албан хаагчдад хэрэгцээт цахим хуудас", "Мэдээллийн аюулгүй байдал" сэдвээр ТЦҮЗГ-ын Сургалт хөгжлийн хэлтсийн Мэргэжилтэн Т.Гантогтох "Шинэчлэх сэтгэлгээ" сэдвээр удирдан зохион байгуулсан юм. Энэхүү сургалтад цахим болон танхимаар нийт 100 гаруй төрийн албан хаагч оролцож, мэдлэг, ур чадвараа дээшлүүллээ.