Төв аймаг “Хөдөө аж ахуй, үйлдвэрлэлийн стратеги төлөвлөлт”-ийн хүрээнд дотоод, гадаадын компаниудтай хамтын ажиллагааны гэрээ байгуулан, төслүүдээ амжилттай хэрэгжүүлж, түншлэлээ өргөжүүлэн ажиллаж байна. Өнөөдөр Төв аймгийн Засаг даргын орлогч Г.Сурмаа, Баяндэлгэр сумын Засаг дарга З.Дэлгэрцэцэг, “Сибагро” компаний төслийн удирдагч В.А.Павлов нар хөдөө аж ахуй, үйлдвэрлэлийн стратеги төлөвлөлтийн хүрээнд хийгдэж буй төслүүдийг хамтран хэрэгжүүлэх, орон нутагт ажлын байр нэмэгдүүлэх, иргэдийг сургаж, дадлагажуулах чиглэлээр хамтын ажиллагааны санамж бичигт гарын үсэг зурлаа.