• +976-7027-3911
  • tuv_zdtg@tov.gov.mn
Залуу зохион бүтээгч
2008 оноос эхлэн Төв аймагт “Залуу зохион бүтээгч” төвийг хүүхэд, залуучуудын техник сэтгэлгээ, сэтгэн бодох, зохион бүтээх авьяас чадварыг хөгжүүлэх, шинжлэх ухаан, технологийн ололттой хослуулан практик сургалтыг зохион байгуулах зорилгоор үйл ажиллагааг эхлүүлж, аймгийн Засаг даргын Тамгын газраас тус төвийн багшийн цалин, үйл ажиллагааны зардал зэрэг санхүүжилтийг жил бүр шийдвэрлэн ажиллаж ирсэн.
Хүүхэд, гэр бүл хөгжил хамгааллын газраас тус төвийн үйл ажиллагааг дэмжин сургалтын үйл ажиллагаа явуулах анги танхимаар ханган сургалтад жил бүр 30 гаруй хүүхэд хамрагдаж, техник сэтгэлгээ, зохион бүтээх чадвараа хөгжүүлэн суралцаж байна. Аймаг орон нутгаас төрийн зарим чиг үүргийг төрийн бус байгууллагаар гүйцэтгүүлэх ажил арга хэмжээний хүрээнд Залуу зохион бүтээх төвийн үйл ажиллагааг дэмжин 2020 онд 9,000,000, 2021 онд 13,720,000, 2022 онд 16,520,000, 2023 онд 12,000,000, 2024 онд 16,000,000 төгрөгийн санхүүжилтийг шийдвэрлэн, Америкийн Нэгдсэн Улсын Индиана мужийн Манси хотод 2024 оны 08 дугаар сарын 11-17-ны өдрүүдэд зохион байгуулагдсан “Дэлхийн аварга” шалгаруулах тэмцээнд оролцох багш, дасгалжуулагч Ж.Баярбат, тамирчин Н.Номин нарын явах замын зардалд 2,000,000 төгрөгийн санхүүгийн дэмжлэг үзүүлсэн юм. Ийнхүү Америкийн Нэгдсэн Улсын Индиана мужийн Манси хотод 2024 оны 08 дугаар сарын 11-17-ны өдрүүдэд зохион байгуулагдсан Нисэх загварын спортын Жолоодлогот загварын Дэлхийн аварга шалгаруулах тэмцээнд Монгол Улсаа төлөөлөн Залуу зохион бүтээх төвийн багш, дасгалжуулагч Ж.Баярбат, сурагч Н.Номин нар амжилттай оролцож, спортын дэд мастер Н.Номин Дэлхийн аваргын мөнгөн медаль хүртсэн амжилтыг гаргалаа. Дэлхийн аваргын хошой мөнгөн медалийн эзэн болсон авьяаслаг сурагч спортын дэд мастер Н.Номин, бэлтгэсэн багш спортын мастер Ж.Баярбат нартаа халуун баяр хүргэе.
2024-08-16 17:00:00
Төв аймгийн засаг даргын тамгын газар
© 2024 БҮХ ЭРХ ХУУЛИАР ХАМГААЛАГДСАН БОЛНО