Аймаг, орон нутагтаа сонгодог спортын төрөл болох Дартсын спортыг түгээн дэлгэрүүлэх, энэхүү спортын гайхамшгийг таниулах зорилгоор зохион байгуулж буй уг тэмцээнд зургаан аймаг, нийслэлийн 20багийн 200 тамирчин оролцож байна. Тэмцээнийг эрэгтэй эмэгтэй ганцаарчилсан, эрэгтэй дан хос, эмэгтэй дан хос гэсэн төрлүүдээр зохион байгуулж байгаа бөгөөд эрэгтэй ганцаарчилсан төрөлд 106 тамирчин, эмэгтэй ганцаарчилсан төрөлд 54тамирчин, эрэгтэй дан хос 46, эмэгтэй дан хос 26 тус тус өрсөлдөж байгаа юм. Төв аймаг байгуулагдсаны түүхт 100 жилийн ойд зориулсан тус тэмцээнийг Төв аймгийн “Зэв”, “Цэгц”, “Төв-Эко”, “Угтаал”, “Сонор”, “Алтанбулаг” дартсын клубууд зохион байгуулж, Төв аймгийн нутгийн Залуучуудын холбоо, Малчин хүнс Түмэн маркет, “Нар сар энэрэл” ХХК-иуд ивээн тэтгэгчээр ажиллаж байна. Тэмцээнд Олон улсын хэмжээний мастер болон спортын мастер цолтой тамирчид оролцож байгаа нь өндөр зэрэглэлийн чансаатай, өрсөлдөөнтэй, сонирхолтой болгож байгааг онцолж байв.

2023-10-29 09:00:00