Төв аймгийн Зуунмод сумын Дэгдээхий цэцэрлэг нь БШУЯамнаас 2023-2024 оны хичээлийн жилд сургуулийн өмнөх боловсролын сургалтын хөтөлбөрийг шинэчлэх бэлтгэл ажлын хүрээнд 2023 онд “Бэлтгэл бүлгийн тоглоом, сургалтын хэрэглэгдэхүүн”-ээр хангагдсан бол энэ удаад “Сургуулийн өмнөх боловсролын байгууллагын менежментийн хэрэгжилтэд дэмжлэг үзүүлэх” зорилгоор бага насны хүүхдийн ирээдүйд шаардагдах бүтээлч ур чадварыг хөгжүүлэх, шинэ үеийн хүүхдийн хөгжлийн хэрэгцээнд нийцэхүйц, шинжлэх ухаанч, технологи, инжинерчлэл, урлаг, математик сэтгэлгээг хөгжүүлэх зорилго бүхий STEAM тоглоом, сургалтын хэрэглэгдэхүүнээр хангагдлаа. БШУЯ болон “ШИМТ боловсрол” ХХК хамтран хэрэгжүүлж байгаа, хүүхдийн бүтээлч сэтгэхүйг хөгжүүлэх STEAM тоглоом, сургалтын хэрэглэгдэхүүн нь сургуулийн өмнөх боловсролын байгууллагын суралцагчдад зориулагдсан 3, 4, 5 насны ангилал тус бүрт 32, нийт 96 загвар бүхий хичээлтэй, багш, сурагчын гарын авлага, эцэг эх-асран хамгаалагчтай харилцах дэвтэр бүхий агуулга, арга зүй, хэрэглэгдэхүүнээс бүрдэх “цогц шийдэл” бөгөөд хичээлд нэгэн зэрэг 30-40 хүүхэд хичээллэх иж бүрэн хэрэглэгдэхүүнтэй, 10,000+ ширхэг эд ангиас бүрдэх, тавиур хайрцагтай нийт 17.200.000 төгрөгний үнэ бүхий эрүүл ахуйн чанарын шаардлага хангасан сургалтын хэрэглэгдэхүүн юм.

2023-10-31 12:00:00