2023 оны 10 дугаар сарын 22-ны өдөр Монгол туургатан театр 41 дэх удаагийн өвөл цагийн нээлтээ Монгол-Оросын найрамдал, хамтын ажиллагааны 63 дахь өдрийн хүрээнд ОХУ-ын Бүгд Найрамдах Буриад Улсын Соёлын яам, соёл урлагийн мэргэжлийн байгууллагуудын уран бүтээлчидтэй хамтарсан “Монгол туургатан-3” хүндэтгэлийн тоглолтоор анх удаа нээж байгаагаараа онцлог, түүхэн үйл явдал боллоо.

Хамаг монгол ахан дүүс бид хил хязгаар тусгаарч, өнөөдөр соёл урлаг, зүрх сэтгэлээрээ нэгдэн нэгэн дээвэр дор баяртайгаар чууллаа. Өвөг дээдсээс өвлөгдөн ирсэн үндэсний их урлаг соёлоороо нэгдэж, нийлсэн хамтын ажиллагаа улам өргөжин тэлж, өнө мөнхөд батжихын ерөөлийг өргөж Бүгд Найрамдах Буриад улсын Хоца Намсраевын нэрэмжит Буриадын Драмын Эрдмийн театр, ЗХУ-ын Ардын Жүжигчин Г.Цыдынжаповын нэрэмжит ОХУ-ын Буриадын Бүгд Найрамдах Улсын Дуу Бүжгийн Академик театруудтай цаашид хамтран ажиллах САНАМЖ бичигт гарын үсэг зурлаа.

2023-10-23 15:00:00