ЦЭЭЛ СУМАНД 320 ХҮҮХДИЙН СУРГУУЛЬ АШИГЛАЛТАД ОРЖ, СУРАГЧДАА ХҮЛЭЭН АВЛАА

Төв аймгийн Цээл сумын багш, сурагчид 2020-2021 оны хичээлийн шинэ жилийн босгон дээр шинэ сургуулиа хүлээн авч, нээлтээ хийлээ. Улсын төсвийн хөрөнгө оруулалтаар баригдсан 320 хүүхдийн шинэ сургуулийн барилгын нээлтийн ажиллагаанд УИХ-ын гишүүн Н.Энхболд, аймгийн ЗДТГ-ын дарга С.Магнайбаяр, БСУГ-ын дарга У.Даваажав нар болон сумын удирдлагууд, эцэг эхийн төлөөлөл оролцсон юм. Шинэ сургууль ашиглалтад орж байгаатай холбогдуулан БСШУЯам, аймгийн БСУГ-ын 35 сая төгрөгийн хөрөнгө оруулалтаар таван анги танхим, багш нарын ширээ, сандал болон гал тогооны тоног төхөөрөмжийг иж бүрэн шинэчиллээ.